這些講起來非常順口的綽號，你有冇一刻諗過佢地嘅來由？查考之下，發現唔少應該同舊影視有關。
例如「賣魚勝」點解叫阿勝？有說是嚟自無線一套1973年播放的處境喜劇《73》，入面就有個角色叫賣魚勝，由陳劍雲飾演。這麼一個草根小人物角色，聲大夾惡，性格又野蠻衝動，個名深入民心，便流傳至今。之後另一套處境劇《香港八一》都有呢個角色。（話時話，點解嗰時劇名咁鍾意用播放年份呢？）
個名有堅字嘅人都幾慘，容乜易畀人叫做「奸人堅」呢？這個關黃飛鴻系列電影事，黃飛鴻係關德興做，黃飛鴻嘅死對頭就是石堅──好戲到奠定了奸人堅的地位。
講開黃飛鴻，少不免又提到「豬肉榮」。黃飛鴻嘅徒弟是林世榮，賣豬肉為生，街坊街里都叫佢豬肉榮。哩個豬肉榮好打不平，但性格魯莽自作聰明，所以成日陷入困境。
《回魂夜》裡又有個「道友明」：「了結我生命，等我唔駛再受苦吖……」
其實仲有好多，女生的例子有「倀雞英」、「菠菜蓮」、「金毛玲」等諸如此類，但其由來都不可考了──起碼都係好多影視中出現過這些名字。
