食環署本周初換咗批「細口」垃圾桶，究竟有冇減廢成效真係見仁見智（直接減少垃圾桶數量仲好啦）……反而想講下垃圾桶冷知識，先問你：香港嘅垃圾桶係咩色？
橙？黃？綠？紫？
答案：以上皆是。吓？
橙：現時最常見嘅垃圾桶，由食環署管理。全港一共有兩萬多個食環署垃圾桶置放處。至於點解係橙色？據說2008年，食環署為配合本港舉辦奧運馬術賽，而推出橙色版贈慶。
黃：香港唔止得食環署管垃圾桶，康文署都有份，主要放喺公園、泳灘、博物館。黃色版本嘅垃圾桶，就係康文署放置公園範圍外嗰啲。
綠：康文署放置公園範圍內嘅垃圾桶。
紫：紫色垃圾桶活在記憶裡……2008年未變橙色之前，啲垃圾桶咪係紫色囉。
【同場加映】房屋署舊式垃圾桶！：
