一講港產cult片，大家心裡都有幾套心水。
但我相信，當中未必包括杜sir 1993年嘅《東方三俠》。
偏偏嚟緊主打cult片的溝電影節，它入選了。點解呢？
向節目策劃馮慶強一問究竟。
馮慶強：「或者，觀眾會先想起邱禮濤的《人肉叉燒包》、《伊波拉病毒》，或《力王》、《打蛇》吧。」一般人眼中，cult片大概是渲染過度暴力、血腥，充斥大量不合理場面，類似B片、剥削片的片種。「但我們覺得，cult是不能確定同預期的，涉及少數崇拜（cult字本身的意思！），代表顛覆、想像。這樣理解，不可能有劃一定義，否則就會悶──甚至可自我定義乜野係cult。」
咁，《東方三俠》有咩咁特別？「據我所知，《東方三俠》裡的女俠原型，來自舊時粵語片，好似嗰啲《女黑俠木蘭花》、《黑玫瑰》，今日睇番，其實都好荒誕，好cult。講真嗰個年代，想像力係無邊無際，好有意思。」
馮慶強再補充，一部片cult，未必因為夠冷門，承載反社會、偏激、離經叛道的內容；相反，如果箇中訊息非常健康，健康過籠，到令人反胃嘅地步，亦都cult到不得了。「一部叫《恩義難忘》嘅彩色粵語片就係樣辦，可能比影史上任何一部電影更有資格被稱為『cult』。」
佢再補多句註腳：「Cult片不是拍出來，而是爆出來的。」
「溝」電影節2016
日期：10月28日至11月20日
網址：www.hkfcc.org/cultfilmfestival2016/